A Lingua das Bolboretas

Galiza, anos 30. Moncho é un neno con problemas de sociabilidade que está aterrado porque debe empezar a escola. Aos poucos os seus temores irán desaparecendo grazas á axuda de Don Gregorio, un profesor de marcada tendencia progresista, sabio e comprensivo. Pero estala a Guerra Civil e os nacionais encargaranse de limpar España de republicanos. Arroupada nun contexto no que primaban as ideas fascistas e a arrogancia da Iglesia, a película de José Luis Corda é un canto á liberdade. Corda (»O bosque animado») recibiu a axuda do prestixioso guionista Rafael Azcona; xuntos adaptaron unha colección de contos de Manuel Rivas e gañaron un Goya polo seu traballo.

Comentario: Eu descubrín este filme hai uns anos cando na clase de galego estabamos a traballar algúns dos relatos de Manuel Rivas e a profesora empregouno como recurso audiovisual para aprender sobre estes relatos e sobre a historia de Galiza dunha maneira máis entretida e dinámica. En canto a trama, gustoume a forma en que se conta a historia e o final, o cal me pareceu sorprendente e adecuado para lograr entender o contexto da época. En conclusión, penso que é un bo filme e volo recomendo.  

https://sincroguia-tv.expansion.com/peliculas/a-lingua-das-bolboretas–5hm-GLG

CARLOS BLANCO VILA:

É un actor dunha ampla traxectoria teatral, tamén autor e director. Foi presentador da Radio Galega e traballou en multitude de programas e series de televisión para a TVG, sendo o de Ladislao na serie Mareas Vivas onde tamén exercía de guionista o papel que o deu a coñecer en Galiza. Comezou no cinema da man de directores como Patricia Ferreira ou Antón Reixa, e entre as súas películas máis destacadas atópanse O lapis do carpinteiro, Cargo ou Volver de Pedro Almodóvar. No ano 2018 foille outorgado o Premio Rebulir dá Cultura Galega na modalidade de Artes Escénicas.

Algunhas obras nas que participa:

Dillei (2004) 

Humor neghro (2008) 

Somos criminais (2018), con Touriñán.

Unha noite na praia (2019), peza escrita e dirixida por Javier Veiga.

Comentario: penso que unha das grandes características de Carlos Blanco, é a forma na que defende as súas raíces e a súa lingua, mantendo tamén aspectos do galego característicos da súa zona como pode ser o seseo. Na miña opinión, que haxa personaxes coñecidos así, defensores da nosa terra é algo moi positivo para Galiza. En canto a súa profesión, persoalmente a parte da súa faceta como actor, creo que hai que recalcar tamén o seu labor no mundo da comedia e dos monólogos, ámbitos nos que baixo o meu punto de vista destaca.

https://es.wikipedia.org/wiki/Carlos_Blanco_Vila

A ecoloxía xoga un papel fundamental ante a degradación e deterioración do medio ambiente, onde esta por medio do estudo científico dos seres vivos coa súa contorna, permite lograr un equilibrio ecolóxico, entre o ser humano, a biodiversidade e a natureza ademais de promover o coidado, mantemento, protección e conservación de todo o contorna socio ambiental.

ACTUALIDADE:

O cambio climático é o mal do noso tempo e as súas consecuencias poden ser devastadoras se non reducimos drasticamente a dependencia dos combustibles fósiles e as emisións de gases de efecto invernadoiro. De feito, os impactos do cambio climático xa son perceptibles e quedan postos en evidencia.

Australia

52.400 quilómetros cadrados devastados; 27 falecidos e miles de desprazados; máis de 1.000 millóns de animais afectados; 400 magatoneladas de CO2 emitidas á atmosfera. Son só algúns dos desesperanzadores datos da catástrofe que está a arrasar o continente austral. Aquí as máis que habituais secas e ondas de calor características do país, víronse cada vez máis acentuadas polo cambio climático, o que está a provocar, segundo as estimacións, que a escalada de incendios que esta a ter lugar no continente desde o pasado mes de setembro sexa a máis grave xamais rexistrada.

Máis info:

https://es.greenpeace.org/es/noticias/incendios-catastroficos-en-australia-esto-es-lo-que-tienes-que-saber/

Comentario: considero que todos/ as debemos colaborar por un planeta mellor xa que este é un asunto que nos afecta a todos.  O coidado do entorno é un asunto serio e debemos tomar conciencia del para asegurar a supervivencia dos ecosistemas e da diversidade de fauna e flora. Hai moitos xestos que poden axudar como reempregar as cousas, eliminar o plástico das nosas vidas ou ser consumidores mais responsables, estes son xestos pequenos que sumados colaboran  na protección e conservación do medio.

https://www.enbuenasmanos.com/ecologia-y-medio-ambiente/

Temos 1498 quilómetros de costa abrupta con moitas variedades e ecosistemas mariños distintos. Hai máis riqueza e abundancia que noutras costas porque nestes casos son máis rectilíneas, o que supón que teñen un mesmo ecosistema e é todo máis monótono. Aquí, en só 20 quilómetros pasamos de cantís con percebes a unha enseada con augas tranquilas cuxo achegue de auga doce permite que habiten berberechos. É marabilloso que isto suceda.

Catástrofes na mar:

1. O litoral galego foi escenario nos últimos 32 anos de seis catástrofes marítimas vinculadas con accidentes de buques nas súas costas con produtos altamente tóxicos que arrasaron nunha franxa de cen quilómetros, ‘ Polycomander’, ‘Urquiola’, ‘ Andrios Patria’, ‘Mar Exeo’, e ‘Prestige’ son os nomes dos buques accidentados e que provocaron, consecuentemente, cinco mareas negras.

2. Os microplásticos son un dos grandes problemas ambientais do século XXI. De feito, segundo as estimacións da ONU, cada minuto arróxase ao mar un camión de lixo cheo de residuos plásticos. Esta contaminación, está presente en todos os lugares e océanos do planeta. Galiza, lamentablemente, non se escapa desa praga e un recente estudo científico revela que ata os mexillóns de roca, polo menos na ría Vigo, presentan trazas de microplásticos no seu corpo.

Comentario: O mar é vida. Este é vital para todos os seres vivos e grazas a él somos o que somos. Persoalmente, considero que as actividades realizadas neste medio, teñen un atractivo especial porque este é como un universo diferente que esperta a curiosidade, ademáis de ter unha beleza inaudita. Por estas razóns penso que deberíamoslle dar moita máis importancia a este, e non utilizalo como vertedoiro particular. Xa é hora de cambiar as malas costumes.

https://www.lavozdegalicia.es/noticia/gastronomia/2018/09/11/galicia-mejor-marisco-mundo/00031536657661926352401.htm https://www.elcorreogallego.es/inicio/ultima-hora/galicia/ecg/costa-gallega-ha-registrado-seis-catastrofes-maritimas-32-anos/idEdicion-2009-03-29/idNoticia-136432

Galiza ten unha gran porcentaxe de monte e bosque, sendo unha das comunidades con máis masa forestal. En 2008 estimábase que máis de 600 millóns de árbores cubrían a superficie galega. Con todo, tamén se estimaba que a maior parte dos bosques permanecían abandonados, estando cheos de maleza.Nos bosques galegos desenvólvense importantes especies forestais en estado natural, vese nas últimas décadas que as características boscosas están a cambiar debido á incursión do eucalipto, quedando un número de fragas reducido.

Algúns lugares destacados:

Comentario: para min, a fauna galega e especial grazas aos espazos salvaxes que a conforman e a inmensa paleta de cores que fan que esta terra asemelle viva. Ademais, nesta podemos atopar lugares sorprendentes e diferentes uns de outros, lugares agochados ou aos que acostumamos ir que se converten nos nosos lugares favoritos. Creo que Galiza é unha terra na que sempre hai cousas que descubrir como xa dixen e que entre todos debemos valorar e coidar.

https://elpais.com/elpais/2016/08/29/paco_nadal/1472486003_609444.html https://www.traveler.es/naturaleza/galerias/escapadas-con-naturaleza-en-galicia/1626/image/81918

Sabías que a facturación da agricultura e da gandería ecolóxica en Galicia creceu un 42% no último ano? Os 50 millóns de euros que facturou a comunidade galega aválano, e é que cada vez son máis os profesionais que deciden apostar polos cultivos ecolóxicos nesta terra. E as previsións son moi favorables. En base aos últimos estudos que manexa o sector da agricultura ecolóxica, o crecemento neste campo podería ser aínda maior nos vindeiros anos. Carnes, iogures, ovos… cada vez son máis os andeis dos supermercados que nos mostran produtos que portan unha etiqueta na que podemos ler: “produción ecolóxica”. Seguramente ti mesmo puidéralo comprobar nunha das túas últimas visitas ao supermercado, pero…

Qué é a produción ecolóxica?

É a arte agrícola que respecta o medio ambiente e conserva a fertilidade do chan mediante a utilización óptima dos recursos e sen uso de produtos químicos de sínteses. En definitiva, é un sistema alternativo de produción agrícola que permite obter alimentos (de orixe animal e vexetal) da máxima calidade e libres de residuos químicos.        

Comentario: noutros tempos a gandaría e a agricultura xunto coa pesca formaban as bases da economía en Galiza. Os meus avós dedicaron a súa vida a isto, á vida agraria, para conseguir os produtos necesarios para desenvolver a súa vida e para comerciar con eles, co tempo este tipo de vida foi decaendo e produciuse o chamado éxodo rural no que moitas persoas decidiron marchar as cidades como e o caso dos meus pais. A partir de entón, produciuse un notable despoboamento nas aldeas o que levou a un menor número de agricultores e gandeiros e a mecanización das técnicas de produción e en moitos casos a intensificación. Ao longo dos anos, ademais comezaron a utilizarse novas técnicas e produtos como as sementes híbridas ou os fertilizantes como medio de evolución, pero nos dÍas de hoxe cabería preguntarse se iso supuxo un avance o un retroceso. Antigamente os agricultores a vez que recollían as colleitas tamén collían as sementes precisas para replantar na seguinte tempada, pero as sementes híbridas son sementes modificadas para que non se podan replantar levando a continua necesidade de comprar sementes cada vez que se queira plantar. Por outra banda, moitos dos fertilizantes «modernos» conteñen compoñentes químicos que degradan o medio mentres que os utilizados antigamente eran totalmente naturais e ecolóxicos.

https://www.lavozdegalicia.es/somosagro/ganaderia https://latomea.com/agricultura-ecologica-en-galicia/

Exemplos:

A Guarda

Localízase no sur de Pontevedra, xusto no extremo occidental de Galiza, onde o Río Miño mestúrase coas augas salgadas do océano Atlántico. A Guarda é unha vila de marcado carácter mariñeiro, industrial e turístico que conta cunha riqueza histórica e arqueolóxica. Aquí elévase o coñecido Monte Santa Trega, un baluarte estratéxico e inexpugnable de 341 metros de altura. Foi no alto deste monte onde se situou un dos castros máis grandes do noroeste peninsular hai máis de 2000 anos.

O castro de Santa Trega ten a súa orixe no século IV a. C e mantívose ocupado ata o III d. C. Foron os Oestrimios ou galaicos os primeiros poboadores quen despois soportaron a conquista romana do século I a. C.

Samos

Esta vila é paso obrigado para todos os peregrinos que camiñan a Santiago de Compostela. Samos atópase nunha espectacular contorna natural, nun val que dá entrada aos montes de Pedrafita. Atravésao o Río Oribio, un pequeno río, rico en anguías e troitas, uns dos pratos máis emblemáticos da zona.

Situado xunto ao río Sarria, que roza os seus muros, atrae a atención do visitante non só polas súas vastas proporcións, senón, sobre todo polos seus sólidos e austeros edificios, construídos con cachotería de lousa. A rusticidade e a sinxeleza dos muros exteriores contrastan coa nobreza e a elegancia dos seus claustros de pedra de granito.

.

.

Comentario: Na miña opinión , o feito de que Galiza sexa unha terra cunha amplísima historia fai que esta posúa unha gran riqueza en monumentos, pero penso que se deberían dedicar mais fondos a protexelos e coidalos para que a xente poida gozar deles durante milleiros de anos e que se poda facer unha mellor promoción dos pobos e vilas galegas para que se coñeza a beleza coa que estes contan.

https://www.galiciamaxica.eu/galicia/pontevedra/santa-tecla/ http://www.galiciaunica.es/los-10-monumentos-mas-visitados/ https://lascatedrales.com/blog/monasterios-gallegos-imprescindibles/

A gastronomía galega é unha das máis ricas do país e afunde as súas raíces ata os tempos dos romanos. Ten unha forte relación, ademais, coa hospitalidade, xa que é tradición nos entornos rurais ofrecer os mellores pratos e facer ostentación dunha amplia despensa. Nestas terras, igual que noutras comunidades do norte, cómese de verdade e en grandes cantidades en todo tipo de celebracións. Pescados, mariscos, carnes, as mellores hortalizas, viño, aceite e vinagre fan as delicias de quen as proba.

Esta traspasou fronteiras. Cada vez son máis os que se achegan a esta esquina do mapa para coñecer as bondades dos seus guisos e os seus caldos e é normal: os excepcionais produtos do mar e da terra mestúranse con viños da maior calidade. Así se compón unha gastronomía de primeiro nivel, na que a tradición se mestura coa innovación para situar a Galiza no mapa gastronómico mundial.

Nesta terra, existen unha inmensa variedade de alimentos e receitas exquisitas que che conquistan só con nomealos: o lacón con grelos, os pementos de Padrón, as empanadas, o queixo de tetilla ou o de denominación de orixe San Simón, , a torta de Santiago, as filloas, o pan de Cea…

A cultura e a sociedade galega prestan moita importancia á gastronomía: sentar a unha mesa é todo un ritual, sobre todo cando se trata de celebracións xa que se aproveita cada festividade para deleitar a familiares e amigos coa mellor tradición culinaria.

Para rematar, cabe mencionar a QUEIMADA, unha tradición que se debate entre o pagán e o misterioso, unha poción máxica cuxo orixe xurde entre as sombras de noites ancestrais de meigallos e feitizos.

Comentario: en Galiza cómese moooooi ben e eu penso que a gastronomía ten moito que ver coas tradicións e a cultura dos sitios, polo que coñecela é vital para saber máis sobre un lugar. Aquí, contamos cunha materia prima incrible. Unha das razóns polas que me encanta ser galega é poder gozar dunha boa empanada ou da gran variedade de mariscos que a nosa terra nos aporta. Por outra banda, debemos respectar esa mesma materia e evitar a explotación de produtos e o consumo abusivo. No meu caso, o que mais me gusta e a comida da casa como as filloas da avoa. ¿E a vos que é o que mais vos gusta?

https://www.caldaria.es/gastronomia-gallega/    http://vivagalicia.es/historia-y-receta-de-la-queimada-gallega/